May Morning

Te Deum Patrem colimus,

Te Laudibus prosequimus,

qui corpus cibo reficis,

coelesti mentem gratia.

Te adoramus, O Jesu,

Te, Fili unigenite,

Te, qui non dedignatus es

subire claustra Virginis.

Actus in crucem, factus est

irato Deo victima

per te, Salvator unice

vitae spes nobis rediit.

Tibi, aeterne Spiritus

cuius afflatu peperit

infantem Deum Maria,

aeternum benedicimus.

Triune Deus, hominum

salutis auctor optime,

immensum hoc mysterium

orante lingua canimus.